Leefste Auteur: 39 Limburgse sjrievers Mit ein CD mit 13 leedjes ISBN: 978-90-78407-24-9 Pries: € 22,50 RAM OETVERKOCH

MOTTO:

Leefde

Leefde is
da leefde pas,
wens te mieë
es te verlangs
voet te geëve has.

Landgraaf, Marijke Ozek-Gulpers

De leefde deit good, de leefde deit pien. De leefde maak gelökkig en óngelökkig. Euveral en ummer, de leefde deit ederein aeveväöl.
Mer veer Limburgers praote d’r neet al te väöl euver, ’t is waal good zoeë. En veer zinge d’r nit al te väöl euver, want dan wurt ’t al flot te serieus. En veer sjrieve d’r nog väöl wieëniger euver, want dan is ’t zoeë perseunlik. En toch zint v’r d’r zoeë mit aan de gang, daag in, daag oet.

Daoróm eindelik e book vol mit leefdesverhaole en leefdesgedichte. Van sjrievers oet de ganse provincie: Helma Cremers, Jeanne Alsters-Van der Hor, José Verhagen, Jan Maas, Theo Van Dael, Annie van Gansewinkel, Liza Hompes, Mia Frenken, Ann Philipsen, Leo Huys, Ton Doesborgh, Bas Keltjens, Els Nieskens, Wim Ickenroth, Marleen Schmitz, Toos Schoenmakers-Visschers, Mariet Udens, Manuela Vrehen-Simons, Phil Schaeken, Emile Rutten, Leonne Cramers, Luc de Rooy, Ed Gravée, Marie Catherine Plantaz, Leo Sins, Jean M. Claessens, Jo van Es, Marjo van Es, Ger Bertholet, Wiel Oehlen, Ad van Wersch, Raymond Clement, Leo Keularts, Math Mertens, Marijke Ozek-Gulpers, Maurice Hinzen, Laur Rutten. Van mansluuj en vrouwluuj, van jóngere en awwere, van Noord-, Midde- en Zuud-Limburg.

En daobie veur ’t iers ein CD mit leefdesleedjes in ’t Limburgs um in de richtige sjtömming te kómme. Mit leedjes van Neet oet Lottum, Beppie Kraft, Ton Engels, Schintaler, John Theuws, Hans Emmen Trio, Fermate, Leff, Ronald Pijls, Anja Bovendeaard, Frans Hermans en mit nog neet ierder oetgebrachte leedjes van Oes De Ef en, gans nuuj, Maud Wilms. Veur de leefste van de leefste euver ’t leefste.