Home      Niet meer leverbaar      Met 'n hempelke zalt LiLiLi 44
 

 

Titel: Met 'n hempelke zalt
Auteur: Helma Cremers
Verhaole in 't Venloos
ISBN:90-76043-80-9
Pries: € 14,90
 

Helma Cremers-Schuts woort in 1950 in Venlo gebore als derde van de in totaal ach kinder die Hans en Mientje Schuts same krege. Mam zörgde veur de jónge en pap werkde in de wasserie die zien oma in 1909 in de Dwarsstraot had opgerich en zien vader in de vieftiger jaore achter eur woeënhoes op de Maagdenbergwaeg niej had laote bouwe. De wasserie en de Maagdenberg loupe dan ouk as ’ne roeëje draod door dit book. Maar ouk de femilie zelf, wao altied wal kemedie waar.

De verhaole van dit book in ’t Venloos speule zich aaf tösse 1963 en 1968, ’ne tied wao in de maatsjappie behuurlik veranderde en de jeug krangs begós te waere. De titel - ‘Met ’n hempelke zalt’ - is neet veur niks gekaoze; de verhaole bevatte vuuël schaele wazel. Ofschoeën die ’t van dichbeej meigemak hebbe verduvels good weite, det ’t neet gelaoge is!

Helma Cremers werk as redacteur beej Tegelse Courant/’t Gazetje. Daonaeve waas het ’ne gas jaor redactielid van ’n landelik vrouweblaad, waoveur ’t nog de column schrief. Van zien hand is ouk eine reisgids getiteld: Wat & Hoe Limburg.

‘Met ’n hempelke zalt’ is van ’n gans ander kaliber. ’t Is ’n autobiografisch book wao in de schriefster in zien modertaal oet d’n aek haet prebere te dreie, wat en wae ’t allemaol taegekwaam op ziene waeg van snótkuke nao jónge mins.

 
   
 
   
 
   
©2009 Uitgeverij TIC