Home      Niet meer leverbaar      'n Aomzeik haet ouch 'n laever LiLiLi 20
 

 

Titel: 'n Aomzeim haet ouch 'n laever
Colla Bemelmans
Gedichte
Mit teikeninge van Wim Simons
LiLiLi 20
ISBN: 90-76043-27-2
Pries: € 11,30
 
BIE 'T GRAAF VAN RILKE
 
En Rilke wool begrave waere
op èlf hónderd mieëter hoeëg
óm uëver 't dal te kinne kieke.
Hae kieëk,
want nao mieë es 70 jaor
zint zien ouge noe waal laeg,
kiek ich doer zien ouge
nao ónger haer
woeë buurkes te voot
't höj aafmieë,
de mès van vuur 't hoes
oetsjöppe vuur de gaard,
kiek nao blome, kuj en berg.
 
Doe moos ins weite, Rilke,
Hollendesj sjpieële jeu de boules
gein hónderd mieëter van dich aaf,
Japanners make foto's
gelle Boeddha's van Delts blauw
en gènne sjtóng ins bie dien graaf
woeë 't wejt en wejt en wejt.
 
Achter dich in de kirk
fresco's die v'r allebei zoge:
satan sjtik luipsje vrouwluuj
'ne brennende sjtek tösje de bein,
lètste oerdeil.
 
Doe zóngs van Gipfeln
zelfs Brecht en Böll
houwe hie nieks genotst.
En d'autochtone zagte:
Er liegt da oben
glaub' ich, irgendwo.
En de Amerikane gelle dao
tuinkabouters
mit 'ne walkman op.
 
Doe erme erme Rilke.
 
Nut, Colla Bemelmans
 
   
 
   
 
   
©2009 Uitgeverij TIC